نموذج لكيفية تفريغ المقابلات في بحث الاجازة تخصص علم الاجتماع

نموذج لكيفية تفريغ المقابلات في بحث الاجازة تخصص علم الاجتماع  

دليل المقابلة :

v  البيانات الشخصية :

الجنس :

السن :

المستوى التعليمي :

الحالة العائلية :

عدد الاطفال :

عدد افراد الاسرة :

مكان الازدياد :

مدة الاقامة :

نوع الانشطة :

المحور الاول : يتعلق بالفرضية الاولى :"تساهم الانشطة غير مهيكلة في الاندماج الاجتماعي " .

-        سؤال (1) : هل اقمت علاقات صداقة في مكانة مزاولة هذه الانشطة ؟

-        جواب (1) :

-         المبحوثة رقم (01) : " نعم بطبيعة الحال عندي علاقات مع هاد الناس كاملين لي كاينين هنا "

-        المبحوث رقم (02) : " معلوم عندي علاقات مع الناس كيفاش متكونش عندي حشومة كاع "

-        المبحوث رقم (03) : " نعم علاقات ضروري كتعرف الخايب والزوين "

-        المبحوث رقم (04) : " نعم العلاقات ضروري ، " الله يلاقينا مع ماحسن منا " ملي كتلقا لي حنين ضروري تبغيه "

-        المبحوث رقم (05) : " ويه ابنتي لابد من علاقات الصداقة بين الناس الى كانوا مزيانين علاش لا "

-        المبحوث رقم (06) : " ابنتي كالك واحد المثال " الله يلاقينا ما حسن منا " حنا دراوش او كنتعارفوا مع الدراوش بحالنا " اللهم لك الحمد والشكر

-        المبحوث رقم (07) : " نعم توجد علاقات مع بعضياتنا فهاد الشاريع كيعرفنا الكبير والصغير حيث مدة طويلة او انا هنا لابد نعرف الناس او يعرفوني "

-        المبحوث رقم (08) : شوفي ابنتي حنا فهاد الشاريع ولينا بحال الخوت واحد مايفوت واحد في الخايب والزوين "

-        المبحوث رقم (09) : " نعم لابدا هاد الناس هما  حبابي هما خوتي نتعاملو مع بعضياتنا او نحاميو على بعضياتنا "

-        المبحوث رقم (10) :  " علاقتنا فهاذ الشاريع علاقة طيبة ولينا بحال الخوت هنايا كنعاونوا بعضياتنا او كنحضيو لبعضياتنا السلعة ملي يمشي يقدي شي واحد فينا شي غراض "

-        المبحوث رقم (11) :  " نعم ضروري انا فهاد الشاريع كولشي كيعرفني عندي علاقات بزاف الله يعمرها دار "

-        المبحوث رقم (12) : " ويه اختي ضروري من الاصدقاء كنتضحكوا مع بعضياتنا او نشطوا او بخير "

-        المبحوث رقم (13) : " ابنتي حنا فهاد السوق كنكونوا مع هاد الناس كثر ما كنكونوا مع ولادنا فالدار فهاد سوق كنا عائلة شي مايفوت شي "

-        المبحوث رقم (14) : " ابنتي انا كبرت او مابقا عندي جهد وليني منقدرش نكلس فالدار كنجي نبيع او نشري او نكلس مع صحابي نضحوا ونشطوا حتا يدي مول الامانة امانتوا ، هاد الناس بيناتنا عشرة طويلة فهاد المارشي الله يعمرها دار "

-        المبحوث رقم (15) : " ابني الناس المزيانين كيلاقيهم الله مع الناس المزيانين " الله يلاقينا مع ماحسن منا "

-        سؤال (02) : كيف تصف علاقتك مع جيرانك واصدقائك ؟

-        جواب (02) :

-        المبحوثة رقم (01) : " علاقة طيبة مع كولشي كنمشيو عند بعضياتنا ملي  تكون شي مناسبة سواء فرح او القرح مهم منفوتوش بعضياتنا حنا حباب او خوت كنوقفوا مع بعضياتنا او نتعاونوا بيناتنا الثقة انا ملي كنمشي نقدي شي غراض مهم كنخلي اي واحد راد ليا البال او كنمشي بالي مرتاح او حتا هما كذلك شي كيرد لبال لشي او ها حنا غادين  "

-        المبحوث رقم (02) : "نعم علاقة ديال زمان الله يعمرها دار شي كيمشي عند شي علاقتنا بحال الخوت  " "كاين حباب الله "

-        المبحوث رقم (03) : " علاقة مع الاصدقاء مزيانة او كنساعدوا بعضياتنا فالشاريع لان هدفنا واحد كنردوا البال لبعضياتنا فالسوق او ملي كنساليو الخدمة كنمشيو القهوة   كنمشيو عند بعضياتنا فالمناسبات فقط "

-        المبحوث رقم (04) : " علاقة طيبة بيناتنا شي كيحتارم شي الاحترام مهم فهاد الحياة "

-        المبحوث رقم (05) : " صراحة كولشي كيحتارمني فهاد الشاريع دايريني بحال مهم عمر شي واحد هز فيا العين الله يردي عليهم "

-        المبحوث رقم (06) : " العلاقة البياعة والشرايا بحال الخوت فهاد الشاريع شي كيعاون شي الله يجعلها عشرة دايمة "

-        المبحوث رقم (07) : " بصراحة علاقتي مع هاد الناس مبنية على الاحترام فقط هي علاقة عادية "

-        المبحوث رقم (08) : " العلاقة مع هاد الناس حسن من لي قريب ليك كالك واحد المثال " تلقى الخير فالبراني متلقاه فلي ليك " هاد الناس فيهم خوتنا وحبابنا الله يعمرها دار "  

-        المبحوث رقم (09) : " هاد الناس هما حبابي وخوتي وصحابي كيوقفوا معاك في الخايبة والزوينة "

-        المبحوث رقم (10) : " علاقتي مع هاد الاصدقاء وجيراني فالمهنة علاقة طيبة الله يعمرها دار ولينا بحال الخوت فهاد السوق "

-        المبحوث رقم (11) : " علاقة طيبة بيناتنا "

-        المبحوث رقم (12) : " هاد الناس ماشي غير جيراني فالسوق او البيع او الشرا هما خوتي او صحابي كنعيطو لبعضياتنا او نخرجوا بعد المرات  مجموعين ونمشيو القهوة "

-        المبحوث رقم (13) : " علاقة مزيانة بيناتنا "

-        المبحوث رقم (14) : " علاقة الله يعمرها دار كنتجمعو فالسوق كنلعبوا الكارطة ندوزو بيها الوقت نجمعوا طريف الخبز او ناشطين بيناتنا "

-        المبحوث رقم (15) : " الجيران والاصدقاء هم الذين نلتقي بهم يوميا ، اتبادل التحية والسلام مع اغلبهم لا يمكن ان نمر بجانب امراة وانت تراها دائما دون ان تقول لها السلام ." على العموم فعلاقتنا جيدة مع الجيران بسبب الاحترام والتقدير المتبادل

-        سؤال (5) : هل المدة التي قضيتها في المدينة كافية لاندماجك ؟

-        بمعنى هل تشعر انك تنتمي الى هذه المدينة ؟

-        جواب (5) :

-        المبحوثة رقم (01) : " نعم كنعتبر راسي كنتمي لهاذ لمدينة ولهاذ الحي ولهاذ الناس "

-        المبحوث رقم (02) : " اه كنعتبر راسي انا ولادي من سلا "

-        المبحوث رقم (03) : "كنعتبر راسي كنتمي لهاذ المدينة حيث فيها المعيشة رخيصة او مزيانة"

-        المبحوث رقم (04) : " بطبيعة الحال انا وليت سلاوي را فوق 30 سنة او انا هنا ولدت ولادي كاملين هنا او كيقراو هنا "

-        المبحوث رقم (05) : " اه انا وليت من هاذ المدينة او بنتي كتقرا هنايا "

-        المبحوث رقم (06) : " ابنتي بنادم ملي يدوز20 سنة فشي مدينة او يولد ولادو تما را كيولي منها "

-        المبحوث رقم (07) : " الان كنعتبر نفسي من هذا الحي " بنت الحومة " ملي سكنت هنا وانا كنعتبر راسي من سكان هاذ الحي " سلاوية "

-        المبحوث رقم (08) : " انا هنا منذ  ومن الطبيعي ان تقول عني انني من سلا الناس فالمدينة يمتازون عن ناس القرية بانهم يعرفون كيف يعيشون وحتى الوقت هنا كيساعد بزاف "فاهمين اش خاص الوقت  "

وانا مادمت اسكن هنا فانا الان من هنا وعندما اذهب للقرية اعمل مثلهم في كل شيء "

-        المبحوث رقم (09) : " اللي دخل شي مدينة يدخل على دينا "

-        المبحوث رقم (10) : " كنعتبر انني كنتمي لهاد المدينة وخا كنزوروها مرة مرة ولكن الاستقرار هنايا "

-        المبحوث رقم (11) : " انا اعتبر نفسي حضري وقروي في نفس الوقت فانا مديني لانني ولدت ابنائي وربيتهم هنا كما ان المدة التي عشتها في هذه المدينة جعلتني اكتسب نمط عيش هذه المدينة وسكانهاكما ان وضعيتي المهنية تفرض علي التعامل مع هذا النوع من السكان الحضريين اما انني قروي فهذا يعود الى انني لازلت احتفظ ببعض قيم وعادات البادية التي انشات فيها  "

-        المبحوث رقم (12) : " ولينا من هاد المدينة من شحال هادي سلا ولافة "

-        المبحوث رقم (13) : " بطبيعة الحال ولينا من هاذ المدينة را 15 عام وحنا هنا "

-        المبحوث رقم (14) : " حنا ولينا من ناس هاذ المدينة ماكاين هروب منها "

-        المبحوث رقم (15) : " حنا ولدنا وليداتنا او كبرناهم فهاذ المدينة معندنا فين نمشيو دبا ولادي كبرو او كيقراو "

-        سؤال (6) : هل تفكر في العودة الى منطقتك الاصلية الريفية ؟

-        جواب (6) :

-        المبحوثة رقم (01) : " لا معمرني نفكر نرجع لتما مكاين مايدار تما غنبقا هنا حتى الموت  حياتي وحياة ولدي كاينة هنا ولدي كقرا هنا "

-        المبحوث رقم (02) : " اويلي منقدرش نرجع لفاس ولفت سلا بزاف "

-        المبحوث رقم (03) : " لا لا مايمكنش نرجع لتما نهائيا حيث مابقا عندي مانمشي ندير تما  حتا واليديا ماتو حياتي وحياة ولادي كاينة فهاد المدينة او فهاد الحي اصلا سلا ولافة ههه "

-        المبحوث رقم (04) : " مايمكنش نرجع لتما ماكاين مايدارمكاين خدمة مكاين والو  "

-        المبحوث رقم (05) : " لا صافي ماعندي مانمشي ندير تما واليديا حتا هما ماتوا "

-        المبحوث رقم (06) : " صافي مابقا رجوع لتما اصلا مكاين مايدرا اش غندير تما حتا ولادي مستحيل يبغيو يمشيو تما حيث تزادو فهاد المدينة "

-        المبحوث رقم (07) : "لا معندي فين نرجع الواليدين ماتو او ولادي يدرسون هنا "

-        المبحوث رقم (08) : " لا صافي مابقا رجوع "

-        المبحوث رقم (09) : " وليداتنا يقراو هنا او كنلقطوا طريف الخبز هنا او حامدين الله الى رجعنا لبلاد من بعد هاذ الوقت كامل منقدروش عليها فات لفوت "

-        المبحوث رقم (10) : " كنمشيو نزورو الاقارب تما ولكن مايمكنش نرجع نهائيا "

-        المبحوث رقم (11) : " كنمشي لبلاد غير توريست سيمانة او كنرجع اما باش نمشي نستقر تما لا مستحيل "

-        المبحوث رقم (12) : " لبلاد مابقا فيها والو اش نمشي ندير فيها لولاد كيخدمو او كيقراو هنا او كاين من ولادي لي مزوج هنا فهاد المدينة صافي معندنا فين نمشيو "

-        المبحوث رقم (13) : " كنمشي لبلاد غير حيث باقي جامعنا واحد الورث اما باش نرجع نسكن تما لا مايمكنش "

-        المبحوث رقم (14) : " كنمشي بعد المرات فالعطل كندي لوليدات يشوفوا لبلاد الاجداد او صافي اما منقدرش نستقر تما حياتي او حياة وليداتي كاينة فهاذ المدينة "

-        المبحوث رقم (15) : " اش غنمشي ندير تما مابقا مايدار تما لا ارض لا والو كنا خدامين غير عند الناس فالفلاحة او مافيها فلوس اللهم هنا الحمدلله عايشين اللهم لك الحمد "

المحور الثاني : يتعلق بالفرضية الثانية :" تساهم الانشطة غير مهيكلة في الاندماج الاقتصادي " .

-        سؤال (7) : هل مكنك العمل في هذا النشاط من تلبية الاحتياجات المطلوبة من طرف الاسرة ؟

-        جواب (7) :

-        المبحوثة رقم (01) : " الحمد لله حسن من الاول عاوني بزاف " كن ماكانش هاذ النشاط كانت غتكون حياتي فحالة يرثى لها " الله يجعل لبراكة اللهم هو ولا بلاش "

-        المبحوث رقم (02) : " نعم عاوني بزاف كناخذ كاع الحاجة الضرورية لي كنحتاج انا ولادي كنقري وليداتي او دايرة لولدي الصغير السوايع اضافية بفضل هذا العمل الحمد لله"

-        المبحوث رقم (03) : " اكيذ عاوني بزاف منو نخلصو لكراء و لما والضو او لمصروف ديال الدار و لولاد وخا ماشي بزاف ولكن مستقرين " معندناش او مخصناش "

-        المبحوث رقم (04) : " نعم عاوني بزاف فالمصروف ديال الدار خاصة لولاد لي كيقراو كيحتاجوا المصاريف بزاف "

-        نعم عاوني بزاف فالمصروف ديال الدار خاصة لولاد لي كيقراو كيحتاجوا المصاريف بزاف "

-        المبحوث رقم (05) : " اه كنشري داك شي لي ضروري لدار او كنخلصو لكرا والما والضو مهم الحمد لله "

-        المبحوث رقم (06) : " مهم نحمدو الله ونشكروه عاوني فالمعيشة بزاف حسن من الاول اللهم ولا بلاش "

-        المبحوث رقم (07) : " هاد البيعة وشريا عاوناتني بزاف في المعيشة او لوليدات الحمد لله "

-        المبحوث رقم (08) : " نعم عاوني بزاف حسن من الاول معاونة على الزمان او لوليدات "

-        المبحوث رقم (09) : " اه بصراحة عاوني بزاف حسن من الاول اي حاجة حتاجيناها كنخدوها الحمد لله  "

-        المبحوث رقم (10) : " اه يعني كاع داك شي لي كنحتاجو انا او لمرة فالدار كنوفرو بفضل هذا العمل الحمد لله مكنحتاجوا حد "

-        المبحوث رقم (11) : " اه كيكفيني المعيشة ديالي الحمد لله "

-        المبحوث رقم (12) : " البيع او شرا رغم انه غير مضمون فانه يمكنك مع ذلك من ان تسدد حاجيات حياتك مثل الكراء والاكل اما في البادية فانك تسمح في نفسك رغم وجود العمل في الفلاحة اذا كنت لا تفلح ارضك فانك ستعمل عند الاخرين دون ان تحقق مدخولا يكفيك "

-        المبحوث رقم (13) : " في القرية تعمل وانت لا تعرف هل اجرك مضمون ام لا اما هنا على الاقل حتى ولو كان الاجر ضعيفا فانه مضمون في نهاية النهار معيشتي تحسنت شيئا ما مثلا هنا يمكنني ان اعيش حرا انا وزوجتي واطفالي اما في القرية الاب هو كل شيء "

-        المبحوث رقم (14) : " بالنسبة للمعيشة هنا في المدينة يمكنك ان تعيش على قد حالك ويمكنك ان تدخر اما في العروبية لا تعرف معنى للمعيشة لا تعرف كم عندك ولا كم ستخسر لان المدخول غير مضبوط "

-        المبحوث رقم (15) : " المعيشة هنا حسن من البادية اني مرتاح في المدينة لان ما اكسبه في اليوم اكله وانام مرتاحا مع نفسي واسرتي "

-        سؤال (9) : هل تقوم بادخار جزء من دخلك ؟ ان كان الجواب  بنعم لماذا ؟

-        جواب (9) :

-        المبحوثة رقم (01) : " اوا بنتي ضروري مانجمعو شويا لدواير زمان ما عرفنا الدنيا اش جايبة من هنا لقدام اصلا كل نهار او رزقو مرة نصورو شويا ملي تكون لحركة مروجة مرة الحركة كتموت  شتا فينا و البرد فينا اوا خاص باش نعيشوا في جميع الاحوال " " الامل ديالي هو يكبر ولدي و يعوض ليا " انا شمعة وكنذوب قدام ولدي باش واحد النهار يعوض ليا "

-        المبحوث رقم (02) : "اوا ضروري نخبي لدواير الزمان "الزمان صعيب " كندير الاحتياط لا تجي شي حاجة على غفلة " الدنيا والزمان هذا عايشين اليوم ما تعرف غذا اش يوقع "

-        المبحوث رقم (03) : " شويا او صافي على حساب كل نهار اورزقوا مرة نخبيو مرة نهزو من داك شي لي خبينا او حامدين الله او شاكرينو  "

-        المبحوث رقم (04) : " شويا او صافي وليني ضروري تخبي شي حاجة ماعرفتي الدنيا اش جايبة "

-        المبحوث رقم (05) : " صراحة من هاذ لي كنبيع لا حيث راجلي عندو تقاعد او كنخبيو شويا من ديك لبراكة لي بقات ليه غير المرض او باش نشريو الدوا "

-        المبحوث رقم (06) : " لا مكنخبي والو حيث يلاه كنتكافى مع المصروف او لماء والضو مزال حتى لكرا مكنخلصوش حيث ساكنة مع خويا فابور "

-        المبحوث رقم (07) : " على حساب كل نهار او رزقوا "

-        المبحوث رقم (08) : " اودي لي جمعناه كيمشي غير فالطبيب اوالدوا الراجل مريض "

-        المبحوث رقم (09) : " بصراحة لا ما كنجمع والو يلاه كنجيو حدو قدو "

-        المبحوث رقم (10) : " شويا او صافي "

-        المبحوث رقم (11) : " شويا او صافي الله يجعل شي براكة "

-        المبحوث رقم (12) : " نعيش فقط من اجل الاكل والكراء "

-        المبحوث رقم (13) : " نعم شويا كل نهار او رزقوا "

-        سؤال (10) :  لماذا اخترت هذا النشاط بالضبط ؟

-        جواب (10) :

-        المبحوثة رقم (01) : " شوفي ابنتي انا فالاول كنت خدامة فواحد المحل كنطيب الحرشة والمسمن ولكن كانت تمارة بزاف وساعات العمل طويلة اما الفلوس كانت قليلة بزاف كان كيعطيني 200 درهم في الاسبوع فقط كنت كنخدم من 7 ديال الصباح حتى 11 او كنرجع عوتاني فالعشية من 3:30 حتى 9 ديال الليل او حتا ملي كنسالي من الخدمة كنلقى فياج ديال لماعن خاسني نغسلهم عاد كنمشي لداري مكونتش كنسالي نصبن حتى حوايجي هاد شي لي خلاني نفكر ندير البيع او الشرا او شريت هاذ لحوايجات او كنبيعهم هنا "

-        المبحوث رقم (02) : "  لقيت فيه مصيريف مزيان " او عاوني في بزاف ديال الحوايج او حيدت بيه الروتين ديال الدار او الحاجة لي مزيانة فهاد شي انه قريب ليا في ساكنة "

-        المبحوث رقم (03) : "  في الاول كنت خدام مع الناس و شويا خدمت مع خويا لكن ثمن مكاينش كضرب تمارة كثر من لفلوس لي كتشد داك شي علاش فكرت انني ندير شي مشروع صغير يكون ديالي بوحدي حر فيه مايتحكم فيا حد او لي صورتو رباح بالنسبة ليا "

-        المبحوث رقم (04) : " قبل كنت خدام في البناء كنت كنمشي لموقف نتا وزهرك مرة يجي شي حد يديك تخدم مرة تبقى منشور فالشمش حتا لعشية مكاين خدمة كترجع الدار خاوي لوفاض مكتلقى ماتاكل او عاد كنت كاري او عندي 3 الاطفال او كانت تمارة بزاف كتمشي تخدم فالشمش تهز لخناشي ديال الرملة او سيما فالخر كيعطيك 50  درهم اش غدير والو او المصاريف بزاف داك علاش فكرت انني ندير شي بيعة او شريا هي الحل او جمعت شويا ديال رسمال او مشيت شريت الفواكه او الحمد لله حسن من الاول بزاف عاوني فالمصروف اللهم لك الحمد "

-        المبحوث رقم (05) : " حيث كنت مضطرة انني نبيع هاذ لحويجات حيث راجلي معندوش او كنتعاونو على الزمان اش نديرو او كاريين ب 20 الف لشهر او عاد الما والضو او لمصروف راكي عارفة ابنتي "

-        المبحوث رقم (06) : " ختي شفتها مسلكاني حسن ليا بزاف من نخدم عند الناس ، حيث كنت خدامة في واحد السبيطار ولكن دايرين 20 الف لشهر ممسلكانيش مادايرة ليا والو، او فكرت ندير شي  حاجة خرى لي نتمعش منها حيث معنديش شي صنعة او مشيت شريت "كروسة " مرة ندير اللبن او سيكوك مرة نطيب البطبوط او لبغرير فهاذ رمضان مهم نحمد الله ونشكروا عاوني بزاف حسن من الاول اصلا قريب ليا حدا الدار من قبل كنت انا كنمشي فطاكسي من جيبي فراس الشهر مخنخرج بوالو تمارة على والو  "

-        المبحوث رقم (07) : " ختاريت البيع او الشرا حيث مالقيت ماندير او عندي لولاد خاصهم المصاريف او لكرا او لماء والضو كان خاصني ضروري نخدم فالاول كنت كنبيع الفواكه من بعد  مشيت شريت التمر او كندور بيه فاي بلاصة او كنجيب نهاري حسن من كنخدم مع الناس للي جاب الله رباح "

-        المبحوث رقم (08) : " الراجل مخدامش " قلة الشي اوو مادير "

-        المبحوث رقم (09) : " ختاريت نبيع الخضرا حيث الراجل كان عسكري و مرض او كلس فالدار ولات حياتنا مكفسة حتى وصلات الجدر عاد خرجت نبيع هاذ الخضرة هنا باش نلقط طريف ديال الخبز باش نعيشو حنا ولوليدات "

-        المبحوث رقم (10) : " ختاريت نبيع او نشري حيث كنت خدام فواحد الشركة لمدة 16 سنة او خرجونا بلا خلاص بلا والو او حيث معنديش شي صنعة ختاريت نبيع اي حاجة باش نبقا حدا وليداتي شريت هاد الطابلة او واحد الصديق نصحني بالعطور كالي فيها مايدار او شريت فالاول القليل من العطور او بديت نبيع كل نهار فهاد لبلاصة او بدات كتحرك لقضية الحمد لله دبا مزيان حسن من الاول "

-        المبحوث رقم (11) : " ختاريت نبيع الخضرا حيت كنت خدامة فواحد الشركة 16 عام  او جراو عليا لقيت الحل الوحيد اصلا حيث قريبة لسوق او ديما هاد شارع عامر كلت نبيع الخضرا باش نعيش ولا نبقا كالسة "

-        المبحوث رقم (12) : " في العروبية كنت اشتغل بالفلاحة  والان اعمل بائعا متجولا ومارست عدة مهن اشتغلت في البناء ثم كنت ابيع الاكل في الاسواق والان احس ان احوالي احسن من البدية رغم ان عملي غير مضمون "

-        سؤال (11) : هل تجد ان هذا النشاط وفر لك امتيازات جديدة مقارنة بالريف ؟ اذا كان الجواب بنعم ماهي هذه الامتيازات ؟

-        جواب (11) :

-        المبحوثة رقم (01) : " كنكولوا اللهم هو ولا بلاش، بعدا وليت كنبقا فالدار مرتاحة حتى العشية عاد كنخرج نبيع هاذ الحويجات فالشاريع او الحاجة لي مزيانة انه قريب ليا حدا الدار بصراحة عاوني بزاف فالمعيشة او على ولدي باش كنقريه او نكون بيه حسن بزاف من الريف لبلاد اش فيها مافيها خدمة او حتا لفلاحة ماشي ديمة غير موسمية تعيا ضرب فتمارة بلا ريال با زوج اما فالمدينة خاصة مدينة سلا فيها المعيشة رخيصة الكرا رخيص يعني الدرويش يعيش يعيش "

-        المبحوث رقم (02) : " صراحة عاوني بزاف اول حاجة وليت مستقلة فحياتي مكنحتاجش الراجل يعطيني  الى بغيت شي حاجة ولا بغيت نمشي لشي بلاصة منكوليهش يعطيني " معاونة راسي او وليداتي في كولشي الحمد لله تبدلات حياتي ملي وليت كنبيع هاد شي وليت حتا انا كنشري لي بغيت انا وليداتي ما بقينا محتاجين والو "

-        المبحوث رقم (03) : " بصراحة  دبا عايش انا او زوجة ديالي او وليداتي حسن بزاف من الاول  الحمد لله  او حسن من انك تخدم مع الناس لي صورتيه فالنهار رباح مكتخلص لا ضريبة ولا كرا "

-        المبحوث رقم (04) : " اه بزاف هنا بعدا كولشي قريب ليك كنمشي فالصباح بكري لسوق الجملة باش ناخذ الفواكه طريا كنجيبهم الدار اصلا حتا السوق قريب ليا حدا الدار ماشي بحال لعروبيا السوق اسبوعي او لا بغيتي تمشي تقدا خاصك تبيع شي حاجة حيث مكاينة خدمة اصلا حنا مكانت عندنا ارض باش نزرعوها او نستافذوا منها كنا فوقت لحصاد كنخدمو عند الناس اللهم هنا سلا فيها كولشي موجود او فيه لبيع او شرا موجود غير لي مابغاش يخذم او صافي"

-        المبحوث رقم (05) : " هاذ لحويجات لي كنبيع منهم كنصرفو باش نعيشو او نخلصوا لكرا ماكيوفرش لينا اي حاجة بغينا ولكن عايشين الحمد لله على كل حال حسن من الاول بزاف كن مكانش منلقاو باش نعيشو راجل مرة خدام مرة مخدامش "

-        المبحوث رقم (06) : " اه كيفما كلت لك عاوني بزاف كنشري كاع داك شي لي كنحتاج او لي ضروري بطبيعة الحال "

-        المبحوث رقم (07) : " اه الحمد لله عايشين منو معندناش او مخصناش سهل عليا بزاف ديا الامور"

-        المبحوث رقم (08) : " اش غنكولك بهاد الحرفة لي كتشوفي عاونت راسي او وليداتي وخا صعيب تكلسي فالشارع ولكن معندك جهد راجل مرض او كلس فالركنة اش غناكلو او باش نعيشو كان خاصني ضروري نخرج نخدم او فكرت ندير الحليب او اللبن فهاد الشارع باش نبقا قريبة الدار او لولاد حيث باقين صغار او كيقراو ولكن هزيت راسي حسن من الاول "

-        المبحوث رقم (09) : " اه ساعدني بزاف فكولشي فالمصروف او لكرا ولماء والضو الحمد لله"

-        المبحوث رقم (10) :  " اه بزاف حسن من الاول عاوني فالمعيشة انا وليداتي او الزوجة ديالي اللهم لك الحمد "  

-        المبحوث رقم (11) :  " اه اللهم لعمش ولا لعمى ههه"

-        سؤال (12) : ايهما افضل العمل في الريف ام في المدينة ؟ ولماذا ؟

-        جواب (12) : 

-        المبحوثة رقم (01) : " بطبيعة الحال في المدينة هنا كولشي قريب لينا "السوق " غير حدا الدار حتا كيفوت لعاصر عاد كنخرج نبيع هاذ لحويجات نحمد الله او نشكرو "

-        المبحوث رقم (02) : " هنا فالمدينة لخدمة موجودة حتا الى ملقيتيش شي حاجة مرسمة موهيم ضيباني راسك باي حاجة مهم تعيش نتا وليداتك حسن من لعروبية بزاف "

-        المبحوث رقم (03) : " بطبيعة لحال فالمدينة هنا كولشي موجود او رخيص فهاذ المدينة بالضبط الدرويش يعيش اما فالعروبية مكاين مايدار "

-        المبحوث رقم (04) : " كيفما قلت لك من قبل لخدمة فالمدينة حسن بزاف من لعروبية تما مكاين مايدار "

-        المبحوث رقم (05) : " المدينة فيها كولشي موجود او قريب حداك فهاذ سلا الدرويش يعيش بلي قسم الله " المعيشة رخيصة " اما لعروبية اش فيها والو حتا السوق كيكون من الثلاثاء لثلاثاء خاصك تجيب تقديا او تبقا تزقرم عليها حتا يوصل سوق جاي او بعيد مكاين حتا فاش تمشي من غير لحمار حشاك اما فالدينة السوق حدا الدار كنخرج فاي وقت نجيب اي حاجة محتاجاها او كنخرج نبيع هاد لحويجات حتا لعشية فاش كيعمر الشاريع او كنصور لي قسم الله او كنمشي لداري فرحانة بيها "

-        المبحوث رقم (06) : " ان ظروف العيش في المدينة صعبة ولكن مع ذلك فان مهنتي هذه ووضعي هنا احسن من " العروبية " لاننا هناك لم نكن نجد ما نعمله وهناك كم من ليلة بقي اولادي بالجوع لو بقيت في البادية لكان وضعي اسوا لو كنت مرتاحا هناك لما جئت الى هنا واعتقد ان هنا احسن بكثير  "

-        المبحوث رقم (07) : " المدينة حسن بزاف فيها كولشي فالمتناول او موجود غير خاص لي تكون نفسو حارة او ينوض يخدم "

-        المبحوث رقم (08) : " را حاجة باينة المدينة حسن علاش الناس كيخليو اصلهم حيت مكاين تما مايدار مكاين خدمة حتا المدارس والو غير وحدة بعيدة بمسافة طويلة بغينا ولادنا يقراو باش يخدمو شي خدمة مزيانة المدينة فيها كولشي موجود "

-        المبحوث رقم (09) : " الخدمة فالمدينة حسن من لبلاد المدينة تخرج غير لشارع تبيع اي حاجة تلقط نهارك حسن من لبلاد مكاين مايدار "

-        المبحوث رقم (10) : " فالمدينة حسن بزاف حيث يمكن انك تلقى شي خدمة كيف ما كانت اما فالعروبية الى كانت عندك شي ارض را يمكن ليك تخدم فيها ولا مكانتش خاصك تسنى حتى يحتاج شي حد لعامل او حتى لو كانت عندك الارض فانك كتخدم طول لعام بدون نتيجة اما فالمدينة النهار لي خرجتي تخدم تصور طريف ديال الخبز "

-        المبحوث رقم (11) : " في العروبية ليس هناك عمل انهم يشتغلون على الفلاحة مرة في السنة والفلاحة بدورها غير مضمونة وارضنا ارض جبلية وبدون ماء ولذلك فالعمل في المدينة احسن رغم ان المدخول " على قد الحال "

"في البادية كنت اشتغل بالفلاحة والان اعمل بائعا متجولا واحس ان احوالي احسن من البادية وذلك بالرغم من ان عملي غير مضمون ومع ذلك خير لي ان اكون هنا من ان اكون في البادية"

-        المبحوث رقم (12) : " ان ما ازعجني اكثر في المدينة هو ان ارباب العمل لا ينصفون العاملات لا يمكنك ان تتصور عاملة تشتغل من السابعة صباحا حتى السابعة مساءا او العاشرة احيانا والمبلغ هزيل للغاية 00 4 درهم ففي اي شيء سينفعك هذا القدر هل في الكراء هل في الماكل ام في اللباس ام مساعدة العائلة انه لا يفيد في اي شيء سوى شراء حبل ووضع حد للحياة "

-        المبحوث رقم (13) : " ما اعجبني في المدينة هو ان المواد الغذائية والسوق و الدجاج والخضر واللحم     والعمل والماء والضو كل هذا موجود فيها وقريب " كولشي موجود او رخيص " وهذا ما لا يوجد في البادية الا مرة واحدة في الاسبوع و لا يمكنكان تصل اليه الا بصعوبة ومشقة "

-        المبحوث رقم (14) : " ان البادية ناقصة من كل شيء مثلا اذا جاءكالضيوف ليلا او في المساء فليس بامكانك ان توفر لهم ما تريده هنا العكس كل شيء متوفر ان المعيشة هنا حسن هنا تحس بالاستقرار والحرية "

-        المبحوث رقم (15) : " الفلاحة هي المهنة الوحيدة التي يمكنك ان تمارسها في لعروبية او في المدينة انا درت هاذ لبيعة وشريا وانا راض عن هذه المهنة لانني يمكنني ان امارسها بالرغم من انني غير ممدرس كنت في البداية انني سوف اجد صعوبة في ايجاد عمل يناسبني لانني امي الا ان الواقع هو انني وجدت هذا العمل وعلى الانسان ان لا يكون كسولا فقط ويفتح عينيه لكي يتعلم من الحياة "

المحور الثالث : يتعلق بالفرضية الثالثة : " تساهم الانشطة غير مهيكلة في الاندماج السياسي " .

-        سؤال (13) : هل تشاركون في تظاهرات في مختلف المجالات : سياسية ، رياضية ، ثقافية ...الخ ؟

-        جواب (13) :

-        المبحوثة رقم (01) : " لا ابدا عمرني شاركت فشي حاجة بحال هاد شي اودي فيناهو الوقت "

-        المبحوث رقم (02) : " لا  "

-        المبحوث رقم (03) : " لا "

-        المبحوث رقم (04) : "لا "

-        المبحوث رقم (05) : " لا "

-        المبحوث رقم (06) : " لا "

-        المبحوث رقم (07) : " لا "

-        المبحوث رقم (08) : " لا "

-        المبحوث رقم (09) : " لا "

-        المبحوث رقم (10) : " لا "

-        المبحوث رقم (11) : " لا "

-        سؤال (14) : هل تشاركون في الانتخابات التي تجرى كل خمس سنوات ؟

-        جواب (14) :

-        المبحوثة رقم (01) : " اه كنتاخب ضروري وخا ماكيديرو لينا والو غير داوي خاوي "

-        المبحوث رقم (02) : " نعم كنتاخب ضروري غير حيث كيضورو معانا اما ماكيديرو لينا حتا حاجة "

-        المبحوث رقم (03) : " لا  انتخب لا اثيق في احد اصلا ما دايرين لينا والو علاش نتاخب عليهم"

-        المبحوث رقم (04) : " نعم انتخب رغم اني لا اثق في احد غير ولفنا "

-        المبحوث رقم (05) : " لا مكنتاخبش حيث حتى واحد ماكيدير لينا شي حاجة غير كيكذبو علينا او صافي "

-        المبحوث رقم (06) : " مابقيتش كنتاخب ماكيديرو لينا والو " كنبيعوا صوتنا ب 00 1 درهم "

-        المبحوث رقم (07) : " اه كنتاخب "

-        المبحوث رقم (08) : " اه "

-        المبحوث رقم (09) : " اه "

-        المبحوث رقم (10) : " كنتاخب ضروري مالي ماشي مواطن را انا كنرتاح ملي كنصوت "

-        المبحوث رقم (11) : " نعم "

-        سؤال (15) : هل سبق وانخرطت في حزب معين او جمعية او نقابة ... ؟

-        جواب (15) :

-        المبحوثة رقم (01) : " لا عمرني دخلت لشي جمعية ولا نقابة او عمر شي حد جا عندنا من هاذ شي من غير فاش كيقربو الانتخابات راكي عارفة عاد كيبانو المقدمية باش نصوتوا عليهم او صافي "

-        المبحوث رقم (02) : " نعم كنت مشاركة فواحد الجمعية او مبقيتش الله يغبر ليهم الشقف  "

-        المبحوث رقم (03) : " لا لم يسبق لي ان شاركت في اي جمعية او نقابة او اي شيء من هذا القبيل "

-        المبحوث رقم (04) : " لا لم يسبق لي وان شاركت في اي جمعية او نقابة اصلا علاش"

-        المبحوث رقم (05) : " لا "

-        المبحوث رقم (06) : " لا عمرني شاركت فشي جمعية "